Հայաստանում հիմնադրվել է էկոլոգիապես մաքուր սալիկների արտադրություն

Հայաստանում խողովակների արտադրությամբ զբաղվող «Տանիք Վայք» ընկերությունը հիմնադրել է ավազապոլիմերային սալիկների արտադրություն, որի հումքը վերամշակված պլաստիկն է ու ավազը։ Ընկերության արտադրած սալիկներն ամուր են և երկարակյաց, օգտագործվում են քաղաքային ու բակային տարածքներում։

«Մենք արտադրում ենք էկոլոգիապես մաքուր սալիկներ: Պլաստմասը ստանում ենք արևի ուղիղ ճառագայթներից, ինչի հետևանքով այն վնասակար նյութեր չի արտադրում և էկոլոգիապես մաքուր է համարվում, ինչը թույլ է տալիս այն օգտագործել մարդաշատ վայրերում։ Մենք ունենք խողովակի արտադրամաս, հետո ունեցանք գաղափար զբաղվել ջրաչափի արկղերի ու սալիկների արտադրությամբ։ Ունեինք գաղափարը, բայց համապատասխան ֆինանսավորում չունեինք։ Դիմեցինք Ակբա Լիզինգին, որի օժանդակությամբ ձեռք բերեցինք ամբողջությամբ ավտոմատացված սարքավորումներ, տեղափոխման և կարգավորող մեքենաներ»,- նշել է «Տանիք Վայք» ընկերության գործադիր տնօրեն Գոռ Սայամյանը։

Սալիկների արտադրության ծավալը ամսական 55 տոննա է։ Այս պահին արտադրանքը սպառվում է միայն տեղական շուկայում, առաջիկայում ընկերությունը նախատեսում է ընդլայնվել՝ ստեղծելով նստարաններ, աղբամաններ, տանիքի ծածկեր ու այլ արտադրանքներ:

Մանրամասն՝ տեսանյութում։

Հեռախոսազանգի պատվեր

Լրացնել հայտը

Հայաստանում հիմնադրվել է էկոլոգիապես մաքուր սալիկների արտադրություն