Մեր Մասին

Հիմա արդեն դժվար է պատկերացնել ֆինանսական շուկան առանց լիզինգի, քանի որ այն հնարավորություն է տալիս սեղմ ժամկետներում արդիականացնել հիմնական միջոցները և ընդլայնել արտադրական կարողությունները, սակայն մինչև ԱԿԲԱ Լիզինգի հիմնադրումը 2003 թվականին, շուկայում նմանատիպ ծառայություններ մատուցող մասնագիտացված ընկերություն չկար։

ԱԿԲԱ Լիզինգի հիմնադրումը հնարավոր է դարձել ծրագրի վրա աշխատող կազմակերպությունների կողմից շուկան ուսումնասիրելու, ծրագրում մասնակցելու համար ներդրողներ հրավիրելու և օրենսդրական դաշտի բացերը լրացնելու շնորհիվ։

Ընկերությունը հիմնելու գործըթացը սկսեց, երբ Համաշխարհային բանկի անդամ հանդիսացող Միջազգային ֆինանսական կորպորացիան (IFC) հայկական շուկայում ուսումնասիրություն իրականացրեց, որի արդյունքում պարզ դարձավ, որ լիզինգային գործառնությունները մեր երկրում պահանջարկ կունենան։ Այնուհետև Միջազգային ֆինանսական կորպորացիան, որը այդ ժամանակ արդեն մասնակցել էր Լիբանանում նմանատիպ ընկերության հիմնադրմանը, դիմում է ԱՄՆ զարգացման միջազգային գործակալությանը (USAID),ինչպես նաևառաջարկում է ֆրանսիական «Կրեդիտ Ագրիկոլ» բանկային խմբին դառնալ համափայատեր Հայաստանում լիզինգային ընկերության ստեղծման ծրագրում:

Իհարկե, ծրագիրը հաջողությամբ չէր պսակվի, եթե արդյունավետ համագործակցություն չիրականացվեր տեղական գործընկերոջ, իսկ որպես այդպիսին ընտրվեց «ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿ» ՓԲԸ-ն, որն ուներ բանկային գործունեության հարուստ փորձ և ունակություն՝ լիզինգային գործառնություններ իրականացնելու համար:

Օրենսդրական դաշտն ուսումնասիրելուց և այն լիզինգային գործունեություն ծավալելու տեսանկյունից առկա բացերը լրացնելուց հետո ստեղծվում է ԱԿԲԱ Լիզինգը, որը հայկական շուկա բերում է նոր ծառայություն և նոր մշակույթ։

Մինչ ընկերության ստեղծումը կազմակերպությունները և գյուղացիական տնտեսությունները դժվարանում էին հիմնական միջոցների թարմացման նպատակով ֆինանսավորում ստանալ, քանի որ վարկերը հիմնականում տրամադրվում էին կարճաժամկետ, այն էլ խոշոր գրավների առկայության պայմաններում։ Ստեղծմանը հաջորդող տարիներին ընկերությունը ավելացրեց լիզինգի մասին իրազեկվացությունը ՀՀ-ում և ստեղծեց լիզինգի նոր պրոդուկտներ՝ ֆիզիկական անձանց կողմից տրանսպորտային միջոցներ և արևային տեխնոլոգիաներ ձեռք բերելու նպատակով:

Ընկերությունը իր գործունեության ընթացքում ֆինանսավորել է տնտեսության տարբեր ոլորտների գյուղատնտեսական, վերամշակման, արտադրական սարքավորումներ, տրակտորներ և շինարարական տեխնիկա, արևային կայաններ և հիդրոէներգակայանի սարքավրումներ, ավտոբուսներ, բեռնատար և մարդատար մեքենաներ, անշարժ գույք և այլ հիմնական միջոցներ ձեռք բերելու նպատակով։