«Ֆրանկոֆեստ». հայ-ֆրանսիական մշակույթները կապող նոր օղակ

Ֆրանսիական գրքեր, քննարկումներ, երաժշտություն, թատերական ներկայացումներ... Newmag-ի նախաձեռնած «Ֆրանկոֆեստը» բացում է աշնանային ընթերցանության սեզոնը։ 

Newmag-ը ֆրանսիական գրքերի առաջին փառատոնին ներկայացրել է 4 նոր բեսթսելլեր գիրք՝ հայերենով։

«Ֆրանկոֆեստի» գործընկերներն Ակբա բանկն ու Ակբա Լիզինգն են, որոնք աջակցել են միջոցառման կայացմանը՝ հայ-ֆրանսիական կապերի զարգացման և ֆրանկոֆոն աշխարհին էլ ավելի մոտենալու նպատակով։

«Հաշվի առնելով Ակբա ֆինանսական խմբի և Newmag-ի արդյունավետ hամագործակցությունը, կարծում ենք, որ «Ֆրանկոֆեստը» շատ լավ հնարավորություն էր ևս մեկ համագործակցության համար։ Newmag-ն իր խոշոր և յուրօրինակ ներդրումն ունի հայ ֆրանսիական մշակույթների մերձեցման գործում։ Ինչպես տեղյակ եք, Ակբա ֆինանսական խումբը ևս հայ ֆրանսիական բիզնես մշակույթների միաձուլողներից մեկն է Հայաստանում։ Ուստի մենք չէինք կարող անմասն մնալ այս կարևոր միջոցառմանը մասնակցելուց։ Կարծում եմ՝ այն լավ ավանդույթ կդառնա Հայաստանում, իր դրական հետքը կթողնի ոչ միայն ընթերցողի, այլ նաև ստեղծագործողի վրա»,- նշել է Ակբա բանկի Մարքեթինգի վարչության պետ Օֆելյա Սաղաթելյանը։

«Հայ ֆրանսիական քաղաքական-տնտեսական կապերը շատ ինտենսիվ են ու ինտենսիվ են եղել միշտ, մինչդեռ մշակութային կապերը թույլ են։ «Ֆրանկոֆեստի» նպատակն է առաջին հերթին ընդառաջ քայլ անել ֆրանկոֆոն մտավորականությանը, որը Հայաստանի կողքին է եղել միշտ։ «Ֆրանկոֆեստը» գալիս է լրացնելու այդ մշակութային բացը։ Պատահական չէ, որ «Ֆրանկոֆեստի» գլխավոր գործընկերներից մեկը նաև Ակբա ֆինանսական խումբն է. ուրախ ենք, որ և՛ Ակբա ֆինանսական խումբը և՛ Newmag-ն ունեն նույն տեսլականը՝ խորացնել հայ ֆրանսիական մշակութային կապերը, բերել ֆրանսիական բովանդակությունը հայ ընթերցողին»,- նշել է Newmag հրատարակչության տնօրեն Արտակ Ալեքսանյանը։

Փառատոնի շրջանակում Ակբան պատրաստել է նաև անակնկալ. ուսանողները կարող են մինչև սեպտեմբերի 23-ը Ակբա բանկի ցանկացած մասնաճյուղում դիմել և 5 տարի ժամկետով անվճար սպասարկմամբ ստանալ Visa Student քարտեր։

Ազնավուրը հայերեն լեզվով ու հնչողությամբ. «Ֆրանկոֆեստի» ընթացքում տեղի ունեցավ նաև Շառլ Ազնավուրի «Այս կռվի մանուկները» երգի հայերեն տարբերակի պրեմիերան։

Մանրամասն՝ տեսանյութում։